Akademie

Doringkloof verskaf sedert 1997 parallel-medium onderrig in beide Engels en Afrikaans. Ons skool is bekend vir sy uitstekende akademiese rekord en ons trots opself op die handhawing van hoë akademiese standaarde in ‘n koesterende omgewing.

Sport

Hier by Doringkloof glo ons dat skoolgebaseerde sport ‘n belangrike deel van u kind se totale opvoedkundige ervaring is . Wanneer kinders aan sport deelneem is dit tot voordeel van hulle fisiese, sosiale en geestelike ontwikkeling . Om hierdie rede focus ons by Doringkloof op deelname en wanneer ons wen is dit net ‘n bonus!

Kultuur

Doringkloof glo dat deelname aan ‘n kulturele aktiwiteit kinders help om beide sukses en mislukking positief te verwerk, asook om sosiale vaardighede te ontwikkel en nuwe vriendskappe te bou. Wanneer kinders op die verhoog optree bou hulle selfvertroue en word hulle meer selfversekerd; wat dan ‘n positiewe invloed op leierskap vaardighede het.

Gedagte vir die week

Die funksie van onderwys is om individue te leer om intensief te dink en om krities te dink. Intelligensie plus karakter – dit is die doel van ware opvoeding.
Martin Luther King, Jr.

Belangrike Nuus

Sien nuusbriewe hieronder.

Nuusflitse

Gr R 2022 aansoekvorms

Geagte voornemende Graad R Dorie ouers van 2022.

Namens die Skoolbeheerliggaam nooi ons u vriendelik uit na ‘n besigtigingstoer van ons Graad R terrein en klasse. Hierdie besoek sal onder streng COVID-19 maatreëls geskied.

Kliek hier vir die aansoekvorm vir 2022 toelating wat ook die lys van verpligte dokumentasie insluit, u kan die vorm voltooi en die nodige dokumentasie gereed kry om in te handig tydens u besoek,  Daar sal ‘n gemerkte houer by die Graad R admin kantoor beskikbaar wees waarin u u vorm kan plaas. Gedrukte aansoekvorms sal ook op die middag van u besoek beskikbaar wees wat u dan tuis kan voltooi en terugstuur via epos.

Alternatiewelik kan u ook die vorms uitdruk, voltooi en tesame met al die nodige dokumentasie skandeer en epos na gerda@dories.co.za.

Die datums vir besoek aan die skool is 6, 7, 8, 13, 14, en 15 April tussen 14:00-15:00. U moet vooraf ‘n afspraak maak, wat in 15 minute tydgleuwe geskeduleer sal word. Kontak asb Me Faber om u afspraak te skeduleer. Daar sal streng by die vasgestelde tye gehou word.

Kontakbesonderhede: Me. Gerda Faber 012 0301141 of epos gerda@dories.co.za.